විදේශීය ශිෂ්යයින් නීති විරෝධී ලෙස සේවයේ යෙදවීම සම්බන්ධයෙන්, හියෝගෝ ප්රාන්ත පොලිස් විදේශ කටයුතු අංශය සහ ඉකුටා පොලිස් ස්ථානය ඇතුළු බලධාරීන් විසින් නොවැම්බර් 26 වන දින, ආගමන පාලන සහ සරණාගතයින් හඳුනාගැනීමේ පනත උල්ලංඝනය කිරීමේ (නීති විරෝධී රැකියා සඳහා අනුබල දීමේ) සැකය මත, රාමන් වෙළඳසැලක් වන “Kobe Ramen Daiichi Asahi” මෙහෙයවන Asahi Foods (Chuo Ward, Kobe) හි සභාපතිවරයා (79) සහ සම්බන්ධිත සමාගමක සේවකයෙකු වන, වෙළඳසැල් මෙහෙයුම් කළමනාකරණය කරන පුද්ගලයයෙකු (61) ඇතුළු පුද්ගලයන් 6 දෙනෙකු අත්අඩංගුවට ගෙන ඇත.
*අත්අඩංගුවට ගත් අය අතරට චීන ජාතිකයන් තිදෙනෙකු ඇතුළුව 35 ත් 43 ත් අතර පිරිමි පුද්ගලයන් 4 දෙනෙකු ඇතුළත් වේ.
- ඔවුන් සියල්ලෝම අදාළ සමාගමේ සේවකයන් වන අතර, කෝබේ නගරයේ සෘජුවම පාලනය වන වෙළඳසැල් 4 ක කළමනාකරුවන් ලෙස කටයුතු කර ඇත.
චෝදනා
සභාපතිවරයාට සහ අදාළ සමාගමේ සේවකයාට එරෙහි චෝදනා වන්නේ, වෙළඳසැල් කළමනාකරුවන් 4 දෙනා සමඟ එක්ව, 2022 දෙසැම්බර් සිට 2025 ජුනි දක්වා කාලය තුළ එම නගරයේ Chuo Ward හි පිහිටි වෙළඳසැල් 4 තුළ, වියට්නාම සහ චීන ජාතික Part Time (アルバイト) සේවකයින් 10 දෙනෙකු නීතියෙන් නියම කර ඇති උපරිම වැඩ කිරීමේ පැය ගණන වන පැය 28 ඉක්මවා සේවයේ යෙදවීමේ සැකයයි.
- එසේම, අවශ්ය බලපත්ර නොමැති විදේශිකයන් සහ වීසා බලපත්රයේ කාලය ඉක්මවා ගිය විදේශිකයන් (Overstay) සේවයේ යෙදවීමේ සැකය ද ඔවුන්ට එරෙහිව පවතී.
- අත්අඩංගුවට ගත් 6 දෙනාම මෙම චෝදනා පිළිගෙන ඇත.
විමර්ශන තොරතුරු
ඉකුටා පොලිස් ස්ථානයට අනුව, වෙළඳසැලට සම්බන්ධ පුද්ගලයෙකුගෙන් "Overstay (වීසා කාලය ඉක්මවා ජපානයේ රැඳී සිටින) අය සිටින බවට තොරතුරු ලැබීමෙන් පසු මෙම විමර්ශන ආරම්භ කර ඇත. ජුනි මාසයේදී එක් Part Time සේවකයෙකු ආගමන පාලන සහ සරණාගතයින් හඳුනාගැනීමේ පනත උල්ලංඝනය කිරීමේ සැකය මත අත්අඩංගුවට ගෙන තිබේ.
- ටයිම් කාඩ්පත් සහ වැටුප් ලේඛන පරීක්ෂා කිරීමෙන් පසුව, නීති විරෝධී රැකියා තහවුරු විය.
- උපරිමයෙන් සතිපතා පැය 80 ඉක්මවා සේවය කර ඇති අවස්ථා පවා තිබී ඇත.
වෙළඳසැලේ තොරතුරු
Daiichi Asahi යනු, රූපවාහිනියේ සහ සඟරාවල “කෝබේ නගරය නියෝජනය කරන රාමන් වෙළඳසැල්වලින් එකක්” ලෙස හඳුන්වා දෙන ජනප්රිය වෙළඳසැලකි.
- සමාගමේ වෙබ් අඩවියට අනුව, එය කෝබේ, සන්නොමියා සහ මොටොමාචි අවට සෘජු වෙළඳසැල් 4 ක් පවත්වාගෙන යයි.
- ඊට අමතරව කෝබේ නගරයේ Nada Ward ඇතුළු වෙනත් ස්ථානවල franchise වෙළඳසැල් ද ඔවුන් විසින් පවත්වාගෙන යනු ලැබේ.